Mera Ji Hai Jab Tak Teri Justaju Hai
Zaban Jab Talak Hai Yahi Guftagu Hai

Khuda Jane Kya Hoga Anjam Is Ka
Main Besabar Itana Hun Wo Tund Khu Hai

Tamana Hai Teri Agar Hai Tamana
Teri Arazu Hai, Agar Arazu Hai

Kiya Sair Hamane Gulzar-e-duniya
Gul-e-dosti Main Ajab Rang-o-bu Hai

Ganimat Hai Yai Did Wa Did-e-yaran
Jahan Mund Gayi Ankh, Main Hun Na Tu Hai

Nazar Mere Dil Ki Pari "dard" Kis Par
Jidhar Dekhata Hun Wahi Ru-ba-ru Hai