Is Shahar-e-kharbi Main Ghum-e-ishq Ke Mare

Zinda Hain Yahi Bat Bari Bat Hai Pyare

Ye Hansta Hua Chand Ye Purnoor Sitare

Tabinda-o-painda Hain Zarro Ke Sahare

Hasrat Hai Koi Guncha Humain Pyar Se Dekhe

Arman Hai Koi Phool Humain Dil Se Pukare

Har Subah Meri Subah Pe Roti Rahi Shabnam

Har Rat Meri Rat Pe Hanste Rahe Tare

Kuch Aur Bhi Hain Kam Humain Ai Gam-e-jana

Kab Tak Koi Uljhi Hoi Zulfoo Ko Sanware