Teri Duniya Men Ya Rab Zist Ke Saman Jalate Hain 

Fareb-e-zindagi Ki Ag Men Insan Jalate Hain 

  

Dilon Men Azamat-e-tauhid Ke Dipak Fasurda Hain 

Jabinon Par Riya-o-kubr Ke Saman Jalate Hain 

  

Havas Ki Barayabi Hai Khirad-mandon Ki Mahafil Men 

Rupahali Tikaliyon Ki Ot Men Iman Jalate Hain 

  

Havadis Raqs-farma Hain Qayamat Muskurati Hai 

Suna Hai Nakhuda Ke Nam Se Tufan Jalate Hain 

  

Shagufe Jhulate Hain Is Chaman Men Bhuk Ke Jhule 

Baharon Men Nasheman To Bahar-e-unavan Jalatae Hain 

  

Kahin Azeb Ki Chan-chan Men Majaburi Tadapati Hai 

Riya Dam Tod Deti Hai Sunehare Dan Jalate Hain 

  

Manao Jashn-e-may-noshi Bikharao Zulf-e-mayakhana 

Ibadat Se To "sagar" Dahar Ke Shaitan Jalate Hain